ارواښاد پوهاند رسول باوري ته په کابل کې د احترام مراسم په څلور سوه بستريز روغتون کې تر سره شول
نن له غرمې وروسته دارواښاد پوهاند رسول باوري جنازې ته د احترام وروستي مراسم په کابل کې تر سره شو ، په دې مراسمو کې د چارو ادارې منسوبينو ، د افغانستان د علومو اکاډمي رئيس او معاونينو ،د اطلاعاتو او فرهنګ وزير ، معاونينو او منسوبينو ، د ولسمشر فرهنګي او علمي برخو سلاکارانو، د لوړو زده کړو وزارت منسوبينو، د علومو اکاډمۍ او پوهنتونونو استادانو او يو شمير دولتي مشرانو ، فرهنګيانو او فرهنګپالو ګډون کړی و، جنازه څلور بجې د کندهار په لور رخصت شوه، چې سبا به د کندهار پوهنتون په انګړ کې د کندهار د مشاهيرو په هديره کې خاورو ته وسپارل شي، د پوهاند باوري اروا دې ښاده وي ، جنتونه دې ځای شي.
