د آریاني ژبو په ډلبندۍ کې د پښتو ژبې دریځ
د علمي ــ څېړنیزې پروژې دفاع
د ژبو او ادبیاتو د مرکز، د لرغونو ژبو د انستیتوت علمي غړي څېړنیار شریف الله دوست د روان کال د عقرب د میاشتې پر (۷) باندې د (آریاني ژبو په ډلبندۍ کې د پښتو ژبې دریځ) تر عنوان لاندې د خپلې علمي- څېړنیزې پروژې څخه په بري سره دفاع وکړه. د څېړنیزې پروژې منځپانګه: د آریاني ژبو څېړنه، په ختیځو او لوېدیځو څانګو د هغوی ډلبندي، له ۱۸۸۸م کال نه را په دېخوا تر ننه د ټاکل شوو ژبنیو معیارونو د تطبیق څېړنه، په ۱۸۸۸ميلادي کال کې د آریاني ژبو د تحول او تکامل د معیارونو ښوول؛ اوستا او زړه پارسي يې د مورینې په توګه تثبیتول، د دغو معیارونو پر بنسټ په اوستايي متن کې د پښتو ژبې د غږیز سیستم فونولوژي(phonology) – ګرافولوژي(graphology) اړيکو څېړنه، له همګروپو ژبو سره په مستند ډول د پښتو ژبې د نسبي اړیکو موندنه، د پښتو ژبې نسبي اړیکې د همګروپو ژبو له ختیځې څانګې اوِستا او باختري ژبو سره. د پښتو ژبې نسبي اړیکې د همګروپو ژبو له لوېدیځې څانګې له دري ژبې سره. پایله، وړاندیزونه او مأخذونه راغليد موضوع تر دفاع کولو وروسته د ګډونوالو پوښتنو ته ځوابونه وویل شول. د دفاع د ارزونې د کمیسیون له لورې یاده دفاع د رأیو په اتفاق تائید او بریالۍ و بلل شوه.
