په اوس وخت کې د فولکلور ارزښت

Ezatullah_admin
دوشنبه ۱۴۰۱/۶/۲۱ - ۱۲:۱۱
په اوس وخت کې د فولکلور ارزښت

د افغانستان د علومو اکاډمۍ د ژبو او ادبیاتو مرکز د پښتو ژبې او ادبیاتو انسټيټيوټ علمي غړي څېړنيار ياسر پاچا د «په اوس وخت کې د فولکلور ارزښت» په نوم خپل علمي- څېړنيز کنفرانس د ۱۴۰۱هـ. ش کال د سنبلې په ۲۱مه نېټه وړاندې کړ.

ده وویل، فولکلوري ادبیات زموږ د تاریخي هویت او ملت پېژندنې ستر سند دی. په فولکلور کې زموږ د ملي اتلانو کارنامې، ملې ویاړنې او د تاریخي پېښو څرګندونې خوندي دي چې د یوه ژوندي ملت د هویت څرګندونه کوي. د انساني ټولنو د تاریخي هویت په اثبات کې به ډېر عوامل رول لري، ولې یو مهم عامل یې د هغې ټولنې ژبه او ادب هم یادولای شو.

په فولکلوري ادبیاتو کې زموږ د ټولنې ډېر مهم خصوصیات راوړل شوي چې دغه خصوصیات زموږ د نوي نسل په ښوونه او روزنه کې رغنده رول لرلی شي.

موږ باید خپل اصلي پښتني او افغاني دودونه، خصلتونه او خپل اصیل، هېوادنی ملي او اسلامي فرهنګ وپېژنو، وې پالو او د پردیو له فرهنګ او فرهنګي تېري څخه ځان وساتو. په اوس وخت کې باید فولکلوريک ادبیات د یوه ټولنیز او فرهنګي ارزښت په توګه وپالل او ساتنه یې وشي، ترڅو راتلونکو نسلونو ته د یوه ستر معنوي ارزښت په توګه ورسېږي.

د فولکلوریکو ادبیاتو  د ارزښت او اهمیت د پېژندنې لپاره به همدا بس وي چې و وایو دا ادبیات د هر ولس، ټولنې او ملت په ادبي تاریخ کې ډېره ستره او ارزښتمنه ونډه لري او ورته له پاملرنې او مطالعې پرته د هغوی ادبي تاریخ نیمګړی ګڼل کېږي.

Documents

کنفرانس سلایډونه

تازه خبرونه

چهارشنبه ۱۴۰۴/۸/۷ - ۱۲:۵۴
Background image

د علومو اکاډمۍ د علمي شورا غونډه

د افغانستان د علومو اکاډمۍ علمي شورا خپله نوبتي غونډه د ۱۴۰۴ ل کال د لړم میاشتې پر ۶ مه نېټه ترسره کړه. په دې غونډه کې د علومو اکاډمۍ د بېلابېلو علمي برخو د علمي کادر د غړو علمي –. . .

سه‌شنبه ۱۴۰۴/۸/۶ - ۱۵:۶
Background image

په هېواد کې د تولیدي او توریدي سرو په اړه څېړنه

د افغانستان د علومو اکاډمي د طبیعي – تخنیکي علومو معاونیت د کیمیا، بیولوژي او زارعت مرکز علمي غړي څېړنوال خلیل الرحمن بارکزي (په هېواد کې د تولیدي او توریدي سرو په اړه څېړنه) تر سرلیک. . .

شنبه ۱۴۰۴/۸/۳ - ۱۰:۵۳
Background image

د آریانا مجلې نوې، ځانګړې ګڼه چاپ شوه

آریانا مجله د افغانستان د علومو اکاډمي علمي ـ څېړنیزه مجله ده چې د اقتصاد، تاریخ او اتنوګرافي، حقوقو او سیاسي علومو، ارواپوهنې، ښوونې او روزنې، ژورنالېزم، فلسفې او ټولنپوهنې موضوعاتو په. . .

BACK TO NEWS