د GIS او Remote Sensing په مرسته د پنجشېر او پروان ولایتونو د سېلابونو تحلیل او ارزونه (2022-2012 م)

( د علمي- څېړنیزې رسالې دفاع)
د افغانستان د علوملو اکاډمۍ، د طبیعي – تخنیکي علومو معاونیت، د ځمکپوهنې مرکز، د هایدرومیتیورولوژۍ انستیتوت د طبیعي جغرافیې څانګې علمي غړی نوماند څېړندوی حامد امان څېړندوی علمي رتبې ته د لوړاوي په موخه له خپلې علمي – څېړنیزې رسالې ( د GIS او Remote Sensing په مرسته د پنجشېر او پروان ولایتونو د سېلابونو تحلیل او ارزونه (2022-2012 م) څخه په (۲۸/۱/۱۴۰۲) نېټه د څېړونکو، پوهانو او استادانو  په ګډون او  د دفاع د کمیسون اعضاوو  په حضور کې بریالۍ دفاع وکړه.
دغه علمي – څېړنېزه رساله د سریزې سربیره څلور څپرکی، پایلی، وړاندیزونه، ماخذ او ضمیمې لري.
لومړۍ څپرکی د موضوع  شالید ته ځانګړې شوې چې په ترڅ کې نړۍ او افغانستان په ځانګړي توګه  د پنجشېر او پروان ولایتونو سېلابونو ته کتنه او پدې برخه کې موجود آثار تر بحث او څېړنې لاندې نیول شوي دي.
دویم څپرکی عمومي معلومات ځانګړې شوې چې په ترڅ کې یې د سیمې جغرافیایي موقعیت، توپوګرافیکي وضعیت، اقلیمي او هایدروګرافیکي ځانګړتیاوې او نباتي پوښښ په هر اړخیزه توګه څېړل شوي چې په پایله کې یې نوې موندنې لاسته راغلل دي.
دریم څپرکی د څېړنې تر ټولو اساسي برخه جوړه وي چې په ترڅ کې یې سېلاب او ډولونه يې، د سېلابونو لاملونه، د سېلاب ځانګړنې، د سېلابونو له امله رامنځته شوي ګواښونه ( انساني، حیواني، نباتي، د خاورې او چاپېریال تخریب ) د سېلابونو څخه ګټه اخیستنه، د GIS  او HEC_HMS پروګرامونو پر مټ د سیندونو هایدورګرافیکي حالت څېړل، د سيمې د اورښتونو د اوبو حجم او کچې معلومول او د سېلابونو د HEC_HMS موډلونو په مرسته لاسته راوړل، د GIS او REMOTE SENSING په مرسته د زیانمنو سیمو معلومول او په نقشو کې یې ښودل، د زیانمنو سیمو طبقه بندي، د سېلابونو وړاندوینه او د سېلابونو مدیریت څېړل شوي او پایلې يې په لسګونو نقشو،ګرافونو او جدولونو کې ښودل شوي او ورڅخه تحلیل او ارزونه شوې ده.
څلورم څپرکی کې علمي- تخنیکي او اقتصادي اغېزې شاملې دي چې په ترڅ کې يې د دغې څېړنې اغېزمنتوب په علمي، تخنیکي او اقتصادي برخو کې په داګه شوي او په پایله کې يې ډېر نوي علمي او تخنیکي موندنې لاسته راغلي دي. په آخره کې دغه علمي - څېړنیزه رساله په هراړخیزه پایلې، اړین وړاندیزونه، مآخذ او ضمیمې پای ته رسیېږی.
په دغه رساله کې د نوي تکنالوژي څخه په ګټه اخېستنې سېلابونه پدیده د لسو کلونو په موده کې په پنجشېر او پروان ولایتو کې په دقیقه ټوګه څېړل شوي او د غوره مدیریت لپاره یې لارې چارې لاسته راغلي او اړوند اداراتو ته د اجرا په موخه وړاندي شوي دې.
په پایله کې یاده دفاع د مؤظف کمېسیون له لوری مثبته وارزول شوه.